វិធីយកទឹកចេញពីត្រចៀក
អ្នក ប្រាកដជាធ្លាប់ជួបហើយនូវបញ្ហាទឹកចូលត្រចៀក ហើយវាអាចកើតឡើបាននៅពេលដែលអ្នកកំពុងតែហែលទឹក ឬ ងូតទឹក ។ បើសិនជាអ្នកទុកអោយទឹកនៅក្នុងត្រចៀកមានរយៈពេលយូរនោះ វាអាចបណ្តាលអោយមានការឆ្លងមេរោគ មិនតែប៉ុណ្នោះធ្វើអោយខូចក្រដាស់ត្រចៀក និងធ្វើអោយឈឺថែមទៀតផង ។ ដូច្នេះវាជាការប្រសើរប្រសិនបើយើងដឹងនូវវិធី ក្នុងការយកទឹកចេញពីត្រចៀកដើម្បីចៀសវាងនូវបញ្ហាដែលបានលើកឡើង ដូចខាងលើនេះ។ ខាងក្រោមនេះគឺជាវិធីដែលជួយអោយលោកអ្នកអាចយកទឹកចេញពីត្រចៀកបាន ដោយសុវត្ថិភាព។១. ជាដំបូងចាក់ទឹកប៉ុន្មានដំណក់ទៅក្នុងបំពង់បន្តក់ បន្ទាប់មកផ្អៀងក្បាលបន្តិចដើម្បីអោយត្រចៀកដែលមានទឹកចូល ផ្ងារទៅខាងលើ ។ ចាក់ទឹកដែលនៅក្នុងបំពង់ចូលទៅក្នុងត្រចៀកនោះ រួចហើយចាំប្រហែលជា ២ ទៅ ៣ វិនាទី បន្ទាប់មកទៀតត្រលប់ក្បាលរបស់អ្នកចុះក្រោមយ៉ាងរហ័ស ដើម្បីអោយទឹកនៅក្នុងត្រចៀកហូរចេញមកក្រៅបាន ។ ធ្វើដូចនេះជាថ្មីម្តងទៀតរហូតលុះត្រាតែទឹកហូរអស់ពីត្រចៀក ។
២. រៀបចំការលាយបញ្ចូលគ្នារវាងអាកុល និងទឹកខ្មេះ ។ បន្តក់ ២ ឬ ៣ ដំណក់នៃការលាយបញ្ចូលគ្នានេះទៅក្នុងត្រចៀកដែលមានទឹកចូល ។ ការលាយបញ្ចូលគ្នានេះ និងជួយធ្វើអោយទឹកនៅក្នុងត្រចៀកស្ងួតក្នុងរយៈពេលដ៍ខ្លី ។
៣. អ្នកគួរគប្បីគេងយ៉ាងណាអោយត្រចៀកដែលមានទឹកចូលប៉ះទៅនឹងផ្ទៃខ្នើយ ។ បន្តិចក្រោយមក កំលាំងនៃទំនាញ នឹងច្រានទឹកអោយចេញមកក្រៅ ។
៤. សម្ងួតត្រចៀករបស់អ្នកអោយបានស្ងួតល្អ ដោយប្រើឧបករណ៍ផ្លុំសក់ជាមួយ នឹងកំរិតដែលទៀបសមល្មម ដើម្បីកុំអោយមានការរលាក ឬ ឆេះត្រចៀករបស់អ្នក ដូច្នេះគួរកុំដាក់ឧបករណ៍នៅជិតត្រចៀកអ្នកពេក ។
៥. អ្នកគួរប្រើប្រាស់ថ្នាំបន្តក់ត្រចៀកប្រភេទសំលាប់មេរោគ ។ បន្តក់ ២ ឬ ៣ ដំណក់ទៅក្នុងត្រចៀក បន្ទាប់មកផ្អៀងត្រចៀកចុះក្រោម ធ្វើដូច្នេះទឹកអាចហូរចេញមកក្រៅជាមួយ នឹងថ្នាំបន្តក់ត្រចៀក ។
៦. ប្រសិនបើអ្នកបានប្រើគ្រប់វិធីខាងលើនេះហើយ ហើយនៅតែពុំអាចយកទឹកក្នុងត្រចៀកចេញមកក្រៅបាន អ្នកគួរតែទៅពិគ្រោះជាមួយនឹងគ្រូពេទ្យជាបន្ទាន់ ៕
ប្រភពដើម ពីគេហទំព័រ គំនិត
ប្រភពដើម ពីគេហទំព័រ គំនិត
No comments:
Post a Comment